«Բոկո Հարամ» ահաբեկչական խմբավորման զինյալներն առեւանգել են Նիգերիայի Յոբե նահանգի դպրոցի 111 աշակերտների։ Այս մասին հաղորդում է «ՌԻԱ Նովոստի»–ին՝ վկայակոչելով PM News պարբերականը եւ տեղի ոստիկանությանը։
Ավելի վաղ հաղորդվել էր 46 աղջիկների անհետացման մասին, սակայն ոստիկանությունը հերքել էր նրանց առեւանգման մասին կասկածները։
2014 թվականին «Բոկո Հարամի» ահաբեկիչներն առեւանգել էին 276 նիգերիացի դպրոցականների Նիգերիայի հյուսիս–արեւելքում գտնվող Չիբոկ քաղաքում՝ առաջարկելով կառավարությանը նրանց փոխանակել ձերբակալված զինյալների հետ, սակայն կառավարությունը հրաժարվել էր։ 2016 թվականի օգոստոսին խմբավորումը հրապարակել էր տեսանյութ, որում, ըստ զինյալների, ներկայացված էին ողջ մնացած աշակերտուհիները: Ահաբեկիչները հայտնել էին, որ նրանց մի մասը օդուժի հարվածների հետեւանքով մահացել էին։ Ավելի քան 20 դպրոցականններ հետագայում ազատվել էին Կարմիր խաչի միջազգային կոմիտեի միջնորդությամբ։ 2017 թվականին Նիգերիայի իշխանությունները հայտնել էին, որ 82 դպրոցական է ազատվել զինյալների դիմաց։
Մնացածը գերությունից ինքնուրույն փախել էին: 195 աշակերտուհի համարվում էր անհետ կորած: