Մեծ Բրիտանիայում ոստիկանությունը մի քանի տարի շարունակ աչք է փակել Նյուքասլում աղջիկների եւ կանանց սեռական շահագործման գործողությունների վրա։ Այս մասին հաղորդում է The Independent–ը՝ վկայակոչելով փաստաբան Դեվիդ Սփայսերին, որն ուսումնասիրել է իշխանությունների արձագանքը այս իրադարձություններին։
Փաստաբանի պնդմամբ՝ ոստիկաններն այդպիսի հանցագործություններին անկանոն են արձագանքել։
Խումբը գործել է Նյուքասլում 2011–20147 թվականններին։ Հետաքննության տվյալներով՝ խմբի անդամները թմրամիջոցների օգնությամբ քնեցրել կամ թմրեցրել են 13-25 տարեկան աղջիկներին եւ բռնաբարել։ Նրանց գործողություններից տուժածների թիվը կարող է մոտ 700–ի հասնել։
Տուժածները պատմել են, որ իրենց բռնաբարել են, երբ իրենք քնած են եղել կամ անգիտակից։
Ամբաստանյալների թվում են պակիստանցիներ, բանգլադեշցիներ, հնդիկներ, իրանցիներ, իրաքցիներ, քրդեր, թուրքեր, ալբանանցիներ եւ Արեւելյան Եվրոպայից եկած անձիք:
Դատարանը նշել է, որ հանցագործները զոհերին ընտրել են ոչ թե ռասսայի, այլ նրա համար, որ նրանք եղել են երիտռասարդ, միամիտ, խոցելի։
Սփայսերի զեկույցում կա մի դրվագ, երբ զոհերից մեկը պատմում է, որ զոհերի շարքերում նաեւ տղաներ են եղել, սակայն արական սեռի ներկայացուցիչների սեռական շահագործման մասին տեղեկություն դեռ չկա։
Նմանատիպ դրվագներ տեղի են ունեցել նաեւ անգլիական այլ քաղաքներում`Ռոթերհեմում, Ռոչդեյլում եւ Օքսֆորդում: Սփայսերը նշել է, որ խնդիրը մինչ օրս չի լուծվել: