Ճապոնիայում ԱՄՆ քաղաքացուն իր հետ ժամադրության գնացած աղջկա առեւանգման, սպանության եւ անդամատման կասկածանքով ձերբակալել են: Ավելի ուշ աղջկա գլուխը գտել են Օսակայում՝ ճամպրուկի մեջ, հաղորդում է «ՌԻԱ Նովոստին»՝ վկայակոչելով Կիոդո գործակալությանը եւ տեղական ոստիկանության ներկայացուցիչներին:
Ոստիկանության տվյալներով՝ Սանդա քաղաքի 27-ամյա բնակչուհին Օսակայում հանդիպել է 26-ամյա ԱՄՆ քաղաքացու հետ՝ Եվգենի Բայրակտարի: Տեսախցիկները ֆիքսել են, ինչպես են փետրվարի 16-ին նրանք մտնում բնակելի տուն, որը վարձով տրվում է զբոսաշրջիկներին: Սակայն հետո աղջիկն այդպես էլ չի երեւում կադրերում: Հաջորդ օրը աղջկա մայրը հայտնել է աղջկա անհետացման մասին:
Ոստիկանները գործի հետաքննության ժամանակ մեկ այլ բնակարանում գտել են աղջկա կտրված գլխով ճամպրուկ, որը կարող է պատկանել անհետացած աղջկան: Մարմնի մյուս մասերը դեռ չեն գտնվել:
Ճապոնական լրատվամիջոցները հաղորդում են, որ ձերբակալվածը հունվարին եկել էր Ճապոնիա եւ արագ պետք է Նյու Յորք վերադառնար: Դեռ ապացույցներ չկան, որ գտնված ճամպրուկը պատկանում է ամերիկացուն: