Հռոմի իշխանությունները մտադիր են արգելել դիզելային շարժիչներով ավտոմեքենաների մուտքը քաղաքի պատմական կենտրոն: Այս կանոնը նախատեսվում է կիրառել 2024 թվականից սկսած, իր ֆեյսբուքյան էջին հայտնել է մայրաքաղաքի քաղաքապետ Վիրջինիա Ռաջին, փոխանցում է DW-ն:
«Կլիմայի փոփոխությունները ազդում են մեր ապրելակերպի վրա: Մեր քաղաքները կարող են անսպասելի մարտահրավերների բախվել»,- գրել է «5 աստղ» ընդդիմադիր պոպուլիստական շարժման անդամը, որը Հռոմի քաղաքապետ էր ընտրվել 2016 թվականի ամռանը: Աշխարհի այլ խոշոր քաղաքների հետ միասին՝ Իտալիայի մայրաքաղաքը որոշել է որոշակի պարտավորություններ ստանձնել եւ հայտարարել դիզելային ավտոմեքենաների արգելքի մասին, շարունակել է Ռաջին: