Ուկրաինայի նախագահ Պյոտր Պորոշենկոն հայտարարել է Ուկրաինայում գազի մատակարարման հետ կապված իրավիճակի կայունացման մասին։ Այդ մասին նա հայտնել է ճեպազրույցի ժամանակ, փոխանցում է «112 Ուկրաինա»–ն։
«Կարող ենք ասել, որ ծանր իրավիճակն ավարտված է: Այսօր առավոտվա դրությամբ մենք ունենք Եվրամիությունից գազի մատակարարումների կտրուկ աճ՝ Լեհաստանից, Սլովակիայից, Հունգարիայից։ Դեֆիցիտը ժամը 10.20–ի դրությամբ փակված է», - ասել է նախագահը:
Ինչպես հաղորդել էինք ավելի վաղ՝ «Գազպրոմ»–ը Ստոկհոլմյան արբիտրաժի որոշման հետ կապված հայտարարել էր, որ ընկերությունը որոշել է խզել ուկրաինական «Նավթոգազ»–ի հետ գազ մատակարարման եւ տարանցիկ փոխադրման պայմանագրերը։