Ոստիկանության Արտաշատի բաժնի ծառայողների ձեռնարկած միջոցառումների շնորհիվ մարտի 9-ին՝ ժամը 01.05-ին, Կիեւ-Երեւան չվերթի ինքնաթիռի վայրէջքից հետո «Զվարթնոց» օդանավակայանում հայտնաբերվել եւ նույն օրը՝ ժամը 04.00-ին, բաժին է տեղափոխվել 27-ամյա Պավել Գ.-ն:
Ոստիկանությունից NEWS.am-ին հայտնում են, որ նա 2011թ. օգոստոսի 23-ից հետախուզվում էր ՀՀ քրեական օրենսգրքի 215-րդ հոդվածի 2-րդ մասի (Թմրամիջոցների, հոգեմետ (հոգեներգործուն) նյութերի եւ դրանց պրեկուրսորների մաքսանենգությունը) եւ 266-րդ հոդվածի 1-ին մասի (Իրացնելու նպատակով թմրամիջոցներ, հոգեմետ (հոգեներգործուն) նյութեր ապօրինի պատրաստելը, վերամշակելը, ձեռք բերելը, պահելը, փոխադրելը, առաքելը կամ դրանք ապօրինի իրացնելը) մեղադրանքներով: