Հարավային Կորեայի ԱԳՆ-ն թուրքական Show TV հեռուստաալիքից պահանջել է ներողություն խնդրել Հարավային Կորեայի նախագահ Մուն Չժե Ինի լուսանկարները ֆիլիպինցի սպասուհու սպանությանը նվիրված հաղորդման մեջ օգտագործելու համար, փոխանցում է «ՌԻԱ Նովոստի»-ն:
Հարավային Կորեայի նախագահի անձնական լուսանկարի ոչ իրավաչափ օգտագործման շուրջ սկանդալը ծագել է փետրվարի վերջին, երբ թուրքական հեռուսատաալիքը եթեր է թողարկել Ֆիլիպիններից սպասուհու սպանության մասին հաղորդումը: Կնոջ սպանության կասկածյալին նկարագրելիս որպես նկարազարդում պրոդյուսերներն օգտագործել են Մուն Չժե Ինի լուսանկարները:
«Լուրջ իրավախախտման հետ կապված Հարավային Կորեայի կառավարությունը մի քանի անգամ Թուրքիայում իր դեսպանատան միջոցով դիմել է հեռուստաալիքին հրապարակայնորեն ներողություն խնդրել, ինչպես նաեւ միջոցառումներ ձեռնարկել համանման միջադեպերի կրկնողություն թույլ չտալու համար»,- նշված է Հարավային Կորեայի ԱԳՆ հաղորդագրության մեջ:
Ընդգծվում է, որ «հեռուստաալիքն անմիջապես Հարավային Կորեայի կառավարությանը ներողությամբ նամակ է ուղարկել, որում նաեւ խոստացել է թույլ չտալ միջադեպի կրկնողություն»:
«Այդուհանդերձ, Հարավային Կոերայի կառավարոթյունը կրկին հայտարարում է իր դիրքորոշման մասին, որի համաձայն՝ հեռուստաալիքի ներողությունը պետք է հրապարակային լինի»,- նշված է ուղերձում:
