News
Լրահոս
News
Երկուշաբթի
Դեկտեմբեր 10
Տեսնել լրահոսը


Հայաստանում մեկնարկել է նորարարությանն ուղղված համաֆինանսավորվող դրամաշնորհների մրցույթի երկրորդ փուլը, որն ուղղված է տեխնոլոգիական ուղղվածությամբ ստարտափերի եւ գործող ընկերությունների զարգացմանը: Այս մասին, այսօր՝ մարտի 14-ին, լրագրողների հետ հանդիպման ժամանակ նշել է «Ձեռնարկությունների ինկուբատոր» հիմնադրամի տնօրեն Բագրատ Ենգիբարյանը:

Նրա խոսքով, այս ծրագիրը բավական հաջող է ընթանում, ունի շատ հետաքրքիր տարբերություն այլ ծրագրերից, քանի որ հատուկ շեշտադրում են անում բարձր տեխնոլոգիաների եւ ճարտարագիտության ոլորտներին:

«Դա պատահական չէ. Կառավարությանն այսօր փորձում է զարգացնել բարձր տեխնոլոգիաների ոլորտը՝ իրականացնել «ինժեներական քաղաք» « Ազգային ինժեներական լաբորատորիաներ» նախագծերը: Այս գործիքը եւս լուրջ աջակցություն է այդ ռազմավարությանը»,-ասաց Ենգիբարյանը:

Նա տեղեկացրեց, որ դրամաշնորհների ծրագրի առաջին փուլով 14 ընկերությունների դրամաշնորհներ են հատկացվել եւ արդեն կան ընկերություններ, որոնք բանակցում են մեկ մլն-ից ավելի ներդրումների շուրջ:

«Երկրորդ փուլն արդեն հայտարարված է, կտրամադրվի 9 դրամաշնորհ՝ 35 հազար եվրոյին համարժեք դրամի չափով: Դիմող լազմակերպությունները պետք է ֆինանսավորեն ծրագրերի 50 տոկոսը: Ծրագրերը պետք է լինեն ոչ ավել, քան 9 ամիս եւ պետք է հիմնականում լինեն նշված ոլորտների՝ բարձր տեխնոլոգիաներ, ճարտարագիտություն, տեղեկատվական տեխնոլոգիաների որոշ ոլորտներ՝ մեքենայական ուսուցում, արհեստական ինտելեկտ եւ այլն: Այսինքն պարզ ծրագրերով չեն կարող մասնակցել: Ընտրությունը կատարվում է նաեւ միջազգային փորձագետների կողմից: Դիմելու համակարգն առցանց է լինելու»,-ընդգծեց Ենգիբարյանը:

Նա նկատեց, որ սոսկ լավ գաղափար ունենալը բավարար չէ այս ծրագրով օժանդակություն ստանալու համար. «Պետք է լինի գաղափար, որն արդեն կյանքի է կոչվել եւ դուք խնդիր ունեք նյութեր լրամշակելու եւ շուկա տանելու: Այսինքն արդեն պետք է ունենաք որոշակի պրոդուկտ, մշակում, եւ դա է պատճառը, որ խնդրում ենք անեւ համաֆինանսավորում, որը բարձրացնում է պատասխանատվությունը եւ դա երաշխիք է,որ ծրագիրը հաջողություն կունենա»,-ընդգծեց նա՝ հավելելով, որ գաղափարների մրցույթը կհայտարարվի մեկ ամսից, ֆինանսավորումը կլինի 15 հազար եվրոյին համարժեք եւ անհրաժեշտ չի լինի համաֆինանսավորում:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ռոբոտին սովորեցրել են վիրտուալ հերոսների շարժումները կրկնօրինակել
«Դուք պարզապես ռոբոտի կառուցվածքն եք ընտրում, ինչպես նաեւ նշում, ինչ շարժումներ են նրան անհրաժեշտ կատարել, իսկ մեր ալգորիթմը հաշվում է...
Facebook-ն արգելել է սեքսուալ ենթատեքստով գրառումները
Արգելված են սեքսուալ բնույթի այնպիսի արտահայտությունները, որոնք կարող են գնահատվել որպես ոտնձգություն…
Ավստրալիայում ցանկանում են ստուգել Facebook-ը եւ Google-ը
ACCC-ի ղեկավար Ռոդ Սիմսը նաեւ հայտնել է, որ ներկայումս գերստեսչությունը 5 հետաքննություն է անցկացնում...
Xiaomi-ն ինֆրակարմիր տաքացուցիչով բաճկոն է ներկայացրել
Ընտրության համար երկու գույն կա՝ սեւ ու մուգ կանաչ․․․
ԱՄՆ-ն պետք է հետ կանչի Huawei-ի թոփ մենեջերի կալանավորման օրդերը
ԱՄՆ դեսպանին հասկացրել են, որ Պեկինի հետագա քայլերը կախված կլինեն Վաշինգթոնի քայլերից․․․
Տոկիոյում ռոբոտ մատուցողներով սրճարան է հայտնվել
Եթե փորձը հաջողվի, ապա հաստատությունը պաշտոնապես կբացվի 2020 թվականին․․․
Partner news