Անտարկտիդայում թռչունները «կողոպտել» են Լատվիայից հետազոտողներին, հայտնում է Skaties.lv պորտալը:
Ինչպես հայտնում են արշավախմբի անդամները, թռչունները, այդ թվում՝ պինգվինները, հաճախ հետեւում են երկրաբանների գործունեությանը, սակայն հատուկ խնդիրներ են ստեղծում հարավբեւեռային ուրուրները: Գիտնականների խոսքով՝ այս թռչունները հետազոտությունների տեխնիկան տեղաշարժում են կամ ընդհանրապես տանում:
Չնայած դրան, լատվիացի հետազոտողները շարունակում են իրենց աշխատանքը՝ անհրաժեշտ նմուշներ վերցնելով հետագա անալիզների համար:
Անտարկիտիդա լատվիացի գիտնականների արշավը սկսվել է մեկ ամիս առաջ: Նպատակն է սառցադաշտերի ներքին կառուցվածքի հետազոտումը: Հետազոտողները նաեւ հույս են հայտնել, որ կօգնեն հասկանալ կլիմայի փոփոխության հետեւանքով տարածաշրջանում սկսված պրոցեսները: