Թուրքիայի վարչապետ Ռեջեփ Թայիփ Էրդողանը Քուվեյթում եւս մեկ մրցանակ է ստացել եւ առիթը բաց չի թողել քննադատելու Իսրայելին։

Թուրքական Haberturk-ի փոխանցմամբ՝ Շեյխ Ֆահադ Ալ-Ահմեդի մրցանակների խորհրդի կողմից  հանդիսավոր պայմաններում Թուրքիայի վարչապետին է հանձնվել «Պատվավոր մահմեդական» մրցանակը։ 

Քուվեյթում Էրդողանը չի մոռացել կրկին քննադատել Իսրայելին՝ «Մավի Մարմարա» նավի դեմ իրականացրած Իսրայելի գործողությունը գնահատելով որպես ծովահենություն։  Էրդողանը նշել է, թե իրենք չեն կարող լուռ մնալ, երբ Իսրայելի զինուժերը Միջերկրական ծովում ծովահենություն են արել եւ սպանել իրենց 9 թուրք եղբայրներին։ 

Քուվեյթ այցի ընթացքում Էրդողանը հանդիպել է Քուվեյթի վարչապետի, խորհրդարանի նախագահի եւ թագաժառանգի հետ։  Քուվեյթի Շեյխի հետ հանդիպումը չի կայացել՝ վերջինիս վատառողջության պատճառով։