ԱԺ պետաիրավական եւ մարդու իրավունքների հարցերի մշտական հանձնաժողովի ղեկավարի որոշմամբ՝ «Ազգային ժողովի Կանոնակարգ» սահմանադրական օրենքում փոփոխություններ եւ լրացումներ կատարելու մասին օրինագիծը մարտի 19-ին ուղարկվեց վերջնամշակման:
Հիշեցնենք, որ այս օրինագծով, որը ներկայացրել է ՀՅԴ խմբակցության ղեկավար Արմեն Ռուստամյանը, առաջարկվում է, որ խորհրդարանական բոլոր խմբակցությունները, այդ թվում՝ փոքրաթիվ, խորհրդարանում պաշտոններ ունենան: Դրանից զատ, օրինագծով այդ խմբակցություններին հնարավորություն է ընձեռվում պատգամավորներ ունենալ խորհրդարանի միանգամից մի քանի մշտական հանձնաժողովներում, քանի որ դա երկրի Սահմանադրության պահանջն է:
