Ռուսաստանի շինարարության եւ կոմունալ ծառայությունների նախարարությունը մշակում է հանրային զուգարանների նոր չափանիշներ։ Համաձայն նորմերից մեկի, հանրային զուգարաններում այսուհետ անվճար ինտերնետ կլինի։
Գաղափարը մշակվել է «Խելացի քաղաք» նախագծի շրջանակներում։ Նախագծի հեղինակների կարծիքով, ինտերնետը անհրաժեշտ է geolocation գործառույթի մշակման համար, որպեսզի հանրային զուգարանները տեսանելի լինեն սմարթֆոնների էլեկտրոնային քարտեզներում։
Ռուսաստանի շինարարության եւ կոմունալ ծայությունների նախարար Անդրեյ Չիբիսը հայտարարել է, որ գերատեսչության այս նախաձեռնությանը պետք է լուրջ վերաբերվել։
Նշենք, որ հանրային զուգարաններն անվճար Wi-Fi–ով հագեցնելու խոստումով են հանդես եկել նաեւ Պեկինի իշխանությունները։ Ավելին, այնտեղ հանրային զուգարանները հագեցած կլինեն ոչ միայն ինտերնետով, այլ նաեւ սմարթֆոնների լիցքավորման սարքերով եւ նույնիսկ բանկոմատներով։