Ռուսաստանի դիրքորոշումը, որ Մոսկվան ոչ մի կերպ ներգրավված չէ եւ որեւէ կապ չունի Սոլսբերիի միջադեպի հետ, ընդունել են ՀԱՊԿ-ի գործընկերները, հաղորդում է ՌԴ ԱԳՆ-ն:
Սպառազինությունների վերահսկողության եւ տարածման կանխարգելման դեպարտամենտի տնօրեն Վլադիմիր Երմակովը ՀԱՊԿ անդամ երկրների դեսպանների համար ճեպազրույց է անցկացրել, որպեսզի պարզաբանի ռուսական դիրքորոշումը «մարտի 4-ին Սոլսբերիում կրկնակի գործակալ Սերգեյ Սկրիպալի եւ նրա դստեր թունավորման վերաբրեյալ Մեծ Բրիտանիայի անհիմն մեղադրանքների առնչությամբ»:
Հանդիպման մասնակիցները համաձայնել են Սկրիպալի գործով շարունակել շփումները:
Ռուսաստանի ԱԳՆ-ն հաստատել է, որ «Ռուսաստանը ներգրավված չէ եւ սկզբունքորեն չի կարող Սոլսբերիի միջադեպի հետ կապ չունենալ»: «Արեւմտյան ծածկագրային «Նովիչոկ» անվանումով նյարդակաթվածային գազը ՌԴ-ում երբեք չի արտադրվել», - ասվում է հաղորդագրության մեջ: