Եթե ցանկություն լինի, հնարավոր է այլընտրանք գտնել Սերժ Սարգսյանին։ Այդ մասին այսօր՝ մարտի 24-ին լրագրողներին ասել է Երեւանի ավագանու «Ելք» խմբակցության անդամ Ալեն Սիմոնյանը։
Նրա խոսքով, պատմության մեջ միտշ, նույնիսկ ամենահայտնի եւ մեծ ժողովրդականություն վայելող գործիչներին այլընտրանք գտել են, քանի որ այն միշտ կա։
«Անփոխարինելի մարդիկ չկան։ Սերժ Սարգսյանը պետք է հեռանա, քանի որ դրանից, առաջին հերթին, կշահի Հայաստանն ու ղարաբաղյան գործընթացը»,- ասել է նա։
Ըստ Սիմոնյանի, Հայաստանը ԵԱՏՄ այլ երկրներից տարբերվել է, քանի որ ավելի ազատական է եղել, վարել բազմավեկտոր արտաքին քաղաքականություն։
Նա նշել է, թե «Ելքն» արդեն այս ամսվա վերջին կներկայացնի իր ճանապարհային քարտեզը, որտեղ գործողությունների հստակ ծրագիր կլինի։
Հիշեցնենք, որ, 2015 թվականի Սահմանադրության բարեփոխումների համաձայն, Հայաստանը 2018 թվականի ապրիլի 9-ին վերջապես կանցնի խորհրդարանական կառավարման համակարգին, որի դեպքում իշխանությունը կկենտրոնանա խորհրդարանի կողմից նշանակված վարչապետի ձեռքում: