Subaru ընկերությունը հրապարակել է հաջորդ սերնդի Forester մոդելի հերթական թիզերը: Քրոսովերը կգաղտնազերծվի Նյու Յորքի ավտոսրահում, որը կբացվի մարտի 28-ին, փոխանցում է Motor-ը:
Ճապոնացի ավտոարտադրողը առայժմ հրապարակել է հաջորդ Forester-ի միայն 2 պաշտոնական լուսանկար, ըստ որում՝ երկուսում էլ պատկերված է թափքի հետեւի մասը եւ լուսարձակը: Մեկ շաբաթ առաջ համացանցը հեղեղվել էր ամսագրի սքան արած էջերով, որոնցում մոդելի արտաքին տեսքն արդեն ամբողջությամբ գաղտնազերծվել էր:
Նոր քրոսովերի տեխնիկական բնութագրերի մասին մանրամասն տեղեկություններ չկան: Նախնական տվյալներով՝ մոդելի հիմքում դրված է նույն մոդուլային պլատֆորմը, որն օգտագործվել է վերջին XV-ը եւ Impreza-ն կառուցելիս: Կպահպանվի նաեւ ավանդական մշտական լիաշարժահաղորդակը:
Forester-ի շարժիչների գամմայի մեջ կմտնեն 4-գլանանի օպոզիտային շարժիչները:
Ներկայիս Subaru Forester-ը հասանելի է 150- եւ 171 ձիաուժ հզորությամբ մթնոլորտայիններով՝ 2,0 եւ 2,5 լիտր ծավալով, ինչպես նաեւ 2-լիտրանի 241 ձիաուժ տուրբոշարժիչով:
