Uber ընկերությանը հաջողվել է խուսափել ինքնավար ավտոմեքենայի մասնակցությամբ մահացու ելքով վթարի դատավարությունից։ Reuters–ի փոխանցմամբ՝ ընկերությանը հաջողվել է զոհված 49-ամյա Էլեն Հերցբերի հարազատների հետ պայմանավորվել եւ կարգավորել բոլոր հարցերը։
Տուժող կողմի փաստաբան Քրիստինա Պերես Հասանոն հայտարարել է, որ հարցը լուծվել է։ Համաձայնության պայմանները չեն նշվում։ Uber–ում հրաժարվել են մեկնաբանություն տալ։
ԱՄՆ-ի Արիզոնայի նահանգում մարտի 18-ի երեկոյան Uber ինքնավար մեքենան հարվածել եւ սպանել էր 49-ամյա Էլեն Հերցբերին։ Վթարի պահին մեքենան ինքնասպասարկման ռեժիմում էր եղել։
Միջադեպի պատճառով ընկերությունը դադարեցրել էր անվարորդ մեքենաների փորձարկումը Պիտսբուրգում, Սան Ֆրանցիսկոյում եւ Տորոնտոյում։
