Audi ընկերությունը չինական շուկայի համար Q5 քրոսովերի «երկարացված» տարբերակն է ներկայացրել: Հիմնական մոդելից նորույթը տարբերվում է 88 մմ-ով մեծացված անիվային հենքով, հաղորդում է Autohome-ը
Audi Q5 L-ի երկարությունը 4765 մմ է, լայնությունը` 1893 մմ, բարձրությունը` 1659 մմ: Անիվների հենքը կազմում է 2908 մմ: Այս ցուցանիշով երկարացված «Կու-հինգերորդը» գրեթե հավասարվել է A6 սեդանին` երկու մոդելների առանցքների միջեւ հեռավորության տարբերությունը ընդամենը 16 միլիմետր է:
Շարժիչները բաղկացած են երկու լիտր ծավալով «տուրբո-քառյակներից»` 190-ից մինչեւ 252 ձիաուժ հզորությամբ: