Կարեն Կարապետյանի վարչապետության ժամանակ տնտեսության ոլորտում որոշակի դրական փոփոխություններ են գրանցվել: Այս մասին ապրիլի 10-ին լրագրողների հետ հանդիպմանն ասել է քաղաքական տեխնոլոգ Կարեն Քոչարյանը:
Նրա խոսքով՝ նախորդ տարիների համեմատ կարելի է սեփական փորձով տեսնել եւ զգալ թեեւ աննշան, բայց, այնուամենայնիվ, որոշ դրական փոփոխություններ: «Արձանագրվել է տնտեսական ակտիվության աճ: Այո, դա կարող է լինել թվերի եւ վիճակագրության մակարդակով, բայց միեւնույն է դա կա», - բացատրել է քաղաքական տեխնոլոգը:
Միեւնույն ժամանակ, նա նշել է, որ աճել է զբոսաշրջիկների քանակը, ինչը կարելի է անզեն աչքով տեսնել: Սա նպաստում է խանութների, առեւտրային կետերի, հյուրանոցների թվի ավելացմանը, դրական է ազդում երկրի տնտեսական ակտիվությանը:
Դրանից ելնելով, ըստ Քոչարյանի, տրամաբանական հարց է առաջանում. ինչի՞ համար է պետք Կարեն Կարապետյանին փոխարինել:
