Հայաստանի խորհրդարանն այսօր՝ ապրիլի 12-ին, 62 կողմ, 31 դեմ ձայներով ընդունեց «Հայաստանի Հանրապետության եւ Վերակառուցման եւ զարգացման միջազգային բանկի միջեւ «Ոռոգման համակարգերի բարելավման ծրագրի համար լրացուցիչ ֆինանսավորում» վարկային համաձայնագիրը վավերացնելու մասին օրինագիծը:
Այս օրինագոծով Հայաստանը Վերակառուցման եւ զարգացման միջազգային բանկից 2 մլն դոլար լրացուցիչ ֆինանսավորում կստանա, կառուցվելու է 150 կմ ջրագիծ:
Ավելի վաղ NEWS.am-ը հայտնել էր, որ ներկայացված համաձայնագիրը դեռեւս 2013-ի հունիսին վավերացված համաձայնագրի վարկային փոխառության տրամաբանական լրացումն է: «Վարկային ծրագրով նախատեսված էր 30 մլն դոլարի վարկ եւս 7,5 մլն դոլարի համաֆինանսավորում, որով նախատեսված էր հիմնականում Մեղրիի, Քաղցրաշենի, Գեղարդալիճի եւ Բաղրամյան-Նորակերտ տարածքներում մեխանիկական ոռոգման համակարգերի փոխարինումը ինքնահոս համակարգերի: Ծրագրով պլանավորված աշխատանքներն իրականացվում են: Մենք ունենք տնտեսված գումարներ՝ 575 մլն դրամ, որոնք ուղղվել են Մեղրիի տարածաշրջանում մեկ այլ բնակավայրում անքնահոս համակարգի անցում»,-նշել է Ջրային տնտեսության կոմիտեի նախագահ Արսեն Հարությունյանը:
Նա տեղեկացրել է, որ նոր վարկային միջոցները չեն ուղղվելու առաջին ծրագրի ավարտմանը, սա լրիվ նոր ծրագիր է. Այս ծրագիրը հնարավորություն է տալիս առաջիկա 4 տարիներին այդ ողջ տարածքը ոռոգելի դարձնել, ջրով ապահովել, բերքատվությունը բարձրացնել 11-14 տոկոսով եւ տնտեսել տարեկան 5 մլն խմ ջուր: