ՆԱՏՕ-ի երկրները խորհրդակցություններ են անցկացնում Սիրիայի Դումա քաղաքում ենթադրյալ քիմիական հարձակմանն արձագանքելու համար: Այս մասին Բրյուսելում կայացած մամուլի ասուլիսում հայտարարել է ՆԱՏՕ-ի գլխավոր քարտուղար Յենս Ստոլտենբերգը, հաղորդում է ՏԱՍՍ-ը:
«Ներկայումս ՆԱՏՕ-ի երկրները հարձակմանն արձագանքելու վերաբերյալ խորհրդակցություններ են անցկացնում», - ասել է նա:
Յենս Ստոլտենբերգը սիրիական իշխանություններին կոչ է արել նաեւ ապահովել միջազգային դիտորդների մուտքը Դումա քաղաք, որտեղ մի շարք հայտարարությունների համաձայն կատարվել է քիմիական հարձակումը:
«ՆԱՏՕ-ն կոչ է անում լիարժեք մուտք ապահովել միջազգային դիտորդների համար», - ասել է նա: Գլխավոր քարտուղարի խոսքով՝ «քիմիական զենքի կիրառումը սպառնալիք է աշխարհի համար»: «Պատասխանատուները պետք է պատասխան տան այդ գործողությունների համար», - ավելացրել է Ստոլտենբերգը: