Նախօրոք պատրաստված նյութը որպես նախնական արդյունք տարածելն անարգանք է երկրի ժողովրդի կամքի եւ ընտրության նկատմամբ։ Այս մասին իր թվիթերյան էջում գրել է Ադրբեջանի նախագահի աշխատակազմի արտաքին կապերի բաժնի ղեկավար Նովրուզ Մամեդովը, փոխանցում է trend.az-ը։
Ավելի վաղ ապրիլի 11-ին կայացած Ադրբեջանի նախագահական ընտրություններում միջազգային կազմակերպությունների՝ ԵԽԽՎ-ի, ԵԱՀԿ-ի եւ ԵԱՀԿ ԽՎ-ի ներկայացուցիչները դիտորդական առաքելության արդյունքների ամփոփմանը նվիրված մամուլի ասուլիսի ժամանակ մի շարք քննադատական հայտարարություններով էին հանդես եկել։ Հետաքրքրական է, որ մամուլի ասուլիսը տապալելու փորձ էր արվել։