Գերմանական Volkswagen ավտոարտադրող ընկերության նոր ղեկավարը կդառնա Հերբերտ Դիսը, որը մինչ այդ պատասխանատու էր բրենդի զարգացման համար։ Այսպիսի որոշում է ընդունել ընկերության տնօրենների խորհուրդը։ Նոր ղեկավարի գլխավոր խնդիրներից մեկը կլինի էլեկտրոմոբիլների ոլորտի զարգացումը, գրում է DW–ն։
Դիսը կփոխարինի Մաթիաս Մյուլերին, որը VW–ն գլխավորում էր 2015 թվականի աշնանից։ Դիսը նշանակվել է այս պաշտոնին «դիզելային սկանդալից» հետո։
2015 թվականին ԱՄՆ իշխանությունները պարզել էին, որ Volkswagen–ը դիտմամբ պակասեցրել է դիզելային շարժիչի արտանետումներում պարունակվող վնասակար նյութերի մասին տվյալները։ 2017 թվականի ամռանը ընկերությունը համաձայնության է եկել փոխհատուցել ԱՄՆ ավտոդիլերներին։ «Դիզելային սկանդալը» ընկերության համար արժեցել է տասնյակ միլիոն դոլարներ։