Ֆրանսիան անհրաժեշտ է համարում Սիրիայի ճգնաժամը լուծելու համար դիվանագիտական մեթոդներին վերադառնալը: Այս մասին ազգային հեռուստատեսության եթերում ելույթի ժամանակ ասել է Ֆրանսիայի արտաքին գործերի նախարար Ժան Իվ Լե Դրիանը:
Ինչպես հայտնում է ՏԱՍՍ-ը, Լե Դրիանը կարեւորել է Սիրիայում հակամարտության կարգավորման շուրջ բանակցությունները վերսկսելու կարեւորությունը, ինչպես նաեւ նշել է, որ Ֆրանսիան, մտադիր է այս գործընթացում նախաձեռնությունն իր վրա վերցնել:
Նախարարի խոսքով՝ հաջորդ շաբաթ Ֆրանսիան մի շարք նոր առաջարկներ կներկայացնի Սիրիայում հակամարտության խաղաղ կարգավորման համար: Ապրիլի 16-ին համապատասխան նախաձեռնությունը կներկայացվի ՄԱԿ-ի Անվտանգության խորհրդի մակարդակով: Բացի դրանից, Ֆրանսիայի իշխանություններն իրենց առաջարկները կներկայացնեն Բրյուսելում կայանալիք Եվրամիության արտգործնախարարների հանդիպմանը: