Շվեյցարիայի պաշտպանության նախարար Գի Պարմելենը հայտնել է, որ ԱՄՆ-ն, Մեծ Բրիտանիան եւ Ֆրանսիան մինչեւ հարվածներ հասցնելը պետք է սպասեին Սիրիայում Բաշար Ասադի ռեժիմի կողմից քիմիական զենքի կիրառման մասին տեղեկությունների ստուգման արդյունքներին: Նա այս մասին հայտարարել է Blick-ի հետ հարցազրույցում, փոխանցում է ՌԲԿ-ն:
«ՄԱԿ-ն քիմիական զենքի հարցերով փորձագետների է ուղարկել թունավոր գազերի հնարավոր կիրառման հետաքննություն անցկացնելու նպատակով: Այս առաքելությունն ի վիճակի է որոշելու՝ արդյոք որեւէ քիմիական զենք կրառվել է, թե ոչ: Անհրաժեշտ էր դրանց արդյունքներին սպասել»,- ասել է Պարմելենը:
Նա հավելել է, որ կարեւոր է ծայրահեղ զգույշ լինել, նախքան վերջնական որոշումներ ընդունելը:
Ապրիլի 14-ի գիշերը ԱՄՆ-ն, Մեծ Բրիտանիան եւ Ֆրանսիան Սիրիային ավիահարվածներ են հասցրել ի պատասխան Դումայում քիմիական հարձակման, որի կատարման մեջ Արեւմուտքը մեղադրում է սիրիացի զինվորականներին: ԱՄՆ հայտարարությամբ՝ հարվածները կատարվել են Դումայի ու Հոմսի շրջաններում երեք թիրախներին, որոնք կասկածվում են Սիրիայի քիմիական զենքի ստեղծման ծրագրի հետ կապ ունենալու մեջ՝ գիտահետազոտական ինստիտուտին, հրամանատարակաան կետին եւ պահեստներին: Ինչպես նաեւ Հոմսում քիմիական զենքի 2 պահեստի: Լրատվամիջոցների տեղեկություններով՝ կրակի տակ են հայտնվել նաեւ Սիրիայի Հանրապետական գվարդիայի շտաբը, Դամասկոսի Մեզզա օդանավակայանը եւ Արեւելյան Գուտայի Ադ Դումեյր օդանավակայանը:
