Եվրոպայի Հայերի Համագումարը զորակցելով ժողովրդի խաղաղ բողոքին եւ կամարտահայտությանը՝ հորդորում է, որ ոստիկանությունը բազմահազարանոց ժողովրդի դեմ չկանգնի եւ բռնի ուժ չգործադրի:
«Ոստիկանության բռնի ուժ գործադրելու շարունակական սպառնալիքները վտանգում են խաղաղ ցույցերի բնականոն ընթացքը եւ շիկացնում մթնոլորտը:
Ոստիկանության պարտականությունն է պաշտպանել ժողովրդին եւ կանգնել նրա կողքին»,-ասված է Եվրոպայի հայերի համագումարի տարածած հայտարարությունում:
Ավելի վաղ NEWS.am-ը հայտնել որ, որ քիչ առաջ Բաղրամյան պողոտայում բախում տեղի ունեցավ ցուցարարների եւ ոստիկանների միջեւ: Նիկոլ Փաշինյանը անցավ փշալարերի վրայով, նրան հետեւեցին այլ ցուցարարներ: Ոստիկանությունը հատուկ միջոցներ, մասնավորապես, լուսաձայնային նռնակներ կիրառեց ցուցարարների նկատմամբ: Բախումների հետեւանքով մի շարք անձինք տեղափոխվել են հիվանդանոց, այդ թվում ինքը՝ Նիկոլ Փաշինյանը:
