Տանզանիայի Դար Էս Սալամ քաղաքում տեղատարափ անձրեւների հետեւանքով առնվազն 9 մարդ է զոհվել։ Այս մասին հայտնում է ՌԲԿ–ն՝ վկայակոչելով տեղի ոստիկանությանը։
Քաղաքի ոստիկանության պետ Լազարո Մամբոսասայի խոսքով՝ 9 մարդու զոհվելու պատճառը հեղեղումներն են։ Երեք օր շարունակվող տեղատարափ անձրեւների պատճառով հեղեղվել են ճանապարհները, ավերվել են տները, վնասվել են տրանսպորտային միջոցները։
Citizen TV–ի տվյալներով՝ բնակիչները փրկվել են՝ տների տանիքներին ապավինելով։ Իշխանությունները կարգադրել են ապրիլի 17-ից փակել քաղաքի դպրոցները։