Գերմանիայի կանցլեր Անգելա Մերկելը Բեռլինում լրագրողներին հայտնել է, որ թեմաների քանակությունը՝ Ուկրաինայից, գազից՝ մինչեւ Սիրիայի հարցերի լայն շրջանակը, մոտ ապագայում անմիջական քննարկում են պահանջում Ռուսաստանի նախագահ Վլադիմիր Պուտինի հետ, փոխանցում է «ՌԻԱ Նովոստի»-ն:
«Ես կարծում եմ, որ մենք կհանդիպենք մոտ ապագայում, սակայն ստույգ ամսաթիվն այսօր չի համաձայնեցվել»,- ասել է Կանցլերը: «Ես հեռախոսազրույց եմ ունեցել նախագահ Պուտինի հետ. խոսքը թե՛ «Հյուսիսային հոսքի», Ուկրաինայի, գազի տարանցման, թե՛ Սիրիայի մասին է», - լրագրողներին հայտնել է Մերկելը: