Հայտնի են ոստիկանության Մաշտոցի եւ Էրեբունի բաժիններ բերման ենթարկվածների անունները:
Ժամը 14։00-ի դրությամբ ՀՀ Ոստիկանության Մաշտոցի բաժնում բերման են ենթարկվել 4 քաղաքացի՝ Նարեկ Վլադիմիրի Բրիկալովը, Գրիգոր Վահանի Մանուկյանը, Նարեկ Վահանի Արշակյանը և անչափահաս Գոռ Աշոտի Վարդանյանը։ Բերման ենթարկելուց հետո այս քաղաքացիների կարգավիճակը փոխվել է և նրանք ներգրավվել են որպես վկաներ։
Ոստիկանության Էրեբունի բաժնում բերման են ենթակվել 15 քաղաքացի, որոնցից երեքը չեն նշել իրենց անունը։
Բերման են ենթարկվել հետևալ քաղաքացիները․
1. Վարդգես Գասպարի Լիվանի /հայտնի քաղակտիվիստ/
2. Արսեն Ռազմիկի Ուզունյան
3. Սասուն խաչատուրի Տերտերյան
4. Արման Հրաչյայի Աղաջանյան
5. Հրաչյա Աշոտի Հակոբյան
6. Հովհաննես Աշոտի Գրիգորյան
7. Անի Սերյանի Հակոբջանյան
8. Վահե Վախթանգի Դավթյան
9. Անդրանիկ Մուշեղի Դանիելյան
10. Միքայել Մասիսի Նազարյան
11. Գոհար գագիկի Թադևոսյան
12. Հրաչյա Հենրիկի Հովակիմյան
Ժամը 14.00-ի դրությամբ, ընդհանուր բերման են ենթարկվել 91 քաղաքացի, ազատ են արձակվել 37-ը։
Այս մասին NEWS.am-ը տեղեկանում է ՀՀ ԱԺ «Ելք» խմբակցության քարտուղար Գևորգ Գորգիսյանից: Վերջինս եւ «Լուսավոր Հայաստան» կուսակցության կառավարման խորհրդր անդամ Կարեն Սիմոնյանը այսօր այցելել են ոստիկանական բաժանմունքներ։
Ավելի վաղ NEWS.am-ը հայտնել էր, որ «Քաղաքացիական պայմանագիր» կուսակցության առաջնորդ Նիկոլ Փաշինյանն իր աջակիցների հետ միասին ապրիլի 13-ից բողոքի ակցիաներ է իրականացնում Երեւանի փողոցներում՝ արգելափակելով փողոցներն ու հրապարակները: Նրանք բողոքում են Սերժ Սարգսյանի վարչապետ դառնալու դեմ: Բողոքի ակցիաների ընթացքում բախումներից տուժել է 46 մարդ, այդ թվում Նիկոլ Փաշինյանը: Մի քանի տասնյակ մարդիկ բերման են ենթարկվել:
Կա հարուցված քրեական գործ Հանրային ռադիո մուտք գործելու եւ Մաշտոց-Թումանյան խաչմերուկում միջադեպի փաստերով՝ ՀՀ քրեական օրենսգրքի 225-րդ հոդվածի հատկանիշներով:
Նշենք, որ ապրիլի 17-ին ԱԺ հատուկ նիստում Սերժ Սարգսյանը ՀՀ վարչապետ է ընտրվել 77 կողմ, 18 դեմ ձայներով:
