Մաշտոցի պողոտայում լարված իրավիճակ է: Ոստիկանությունն այստեղ մեծ թվով ուժեր է կենտրոնացրել: Բացի այդ՝ Ամիրյան փողոցից դեպի Պուշկինի փողոց ընկած հատվածում բազմաթիվ ոստիկանական մեքենաներ կան:
Իրավապահների եւ քաղաքացիների միջեւ այստեղ միջադեպ է տեղի ունեցել. մի քանի կանայք պնդում են, որ ոստիկանները հարվածել են իրենց երեխաներին:
Հավաքվածները սուլում են, ավտոմեքենաների վարորդները՝ ազդանշան տալիս: Մի քանի ակտիվիստներ էլ հորդորում են բռնություն չկիրառել ոստիկանների նկատմամբ եւ վանկարկում են՝ «Ոստիկանը մերն է»:
Ոստիկանները նաեւ փորձում են բերման ենթարկել քաղաքացիների: Այստեղ քաշքշոց է սկսվել:
Բացի այդ, մեր տեղեկություններով, Երեւանի քաղաքապետարանի հարակից տարածքից բերման են ենթարկել «Մերժիր Սերժին» նախաձեռնության անդամ Դավիթ Սանասարյանին:
