Երեւանի Էրեբունի փողոցից ոստիկանությունը քիչ առաջ մի քանի ցուցարարների է բերման ենթարկել։

NEWS.am-ի թղթակցի փոխանցմամբ, ոստիկանության մի մայոր ընթերցեց պաշտոնական հայտարարությունը, թե հավաքն ապօրինի է եւ կոչ արեց ցրվել։ Իսկ դրանից հետո ոստիկանները սկսեցին մարդկանց բերման ենթարկել առանց պետհամարանիշների մեքենաներով։

Ոստիկանները, ի դեպ, կտրականապես հրաժարվում են պատասխանել լրագրողների հարցերին, մասնավորապես, թե ինչու այդքան ջանադիր չեն բժշկական դիմակներով անհայտ անձանց բռնելու հարցում։

Նշենք, որ քիչ առաջ քաղաքացիական հագուստներով, դիմակավորված անձինք հարձակվել էին ցուցարրաների վրա, խփել, մեքենաներ վնասել։ Ոստիկանները բացարձակապես չեն միջամտել եւ չեն կանխել այդ անձանց արարքները։