Հայաստանի պաշտպանության նախարար Վիգեն Սարգսյանը սխալ է համարում որոշ մշակութային գործիչների կողմից այս կամ այն կողմն անցնելու պահվածքը:
Ապրիլի 23-ին, պատասխանելով որոշ մշակութային գործիչների կողմից պետական պարգեւները վերադարձնելու վերաբերյալ հարցին՝ նախարարը նշել է. «Ես հարգում եմ նրանց, սակայն նրանց գործողությունները չեն համընկնում նրանց խոսքերի հետ: Եթե նրանք հաշտեցում են ցանկանում, ապա այս կամ այն կողմն անցնելը դրան չի նպաստում»:
Նրա խոսքով՝ մի մասի համար դա գովազդի հնարավորություն է, մյուս մասի համար՝ հեռացող գնացքին չհասնելու վախ, երրորդների համար՝ անհասկանալի իրավիճակում ինչ-որ մեկին ինչ-որ բան ցույց տալու ցանկություն. «Ես գիտեմ, որ նրանք, ովքեր վերադարձնում են պարգեւները, մինչ այդ ջանքեր են գործադրել դրանք ստանալու համար: Պետք չէ կրակի վրա բենզին լցնել: Ժողովրդի հետ կարելի է լինել տարբեր ձեւերով»:
Խոսելով «Լույս» հիմնադրամի շրջանավարտների քննադատական հայտարարության մասին՝ Վիգեն Սարգսյանը հիշեցրել է, որ հիմնադրամը ձեւավորվել է ոչ բյուջետային միջոցների հաշվին, եւ երկրի 570 երիտասարդ քաղաքացիներին արտասահմանյան հեղինակավոր համալսարաններում ուսանելու հնարավորություն է ընձեռել: «Եվ նրանցից 60-ը հնարավոր են համարել ինչ-որ բան սովորեցնել (վարչապետին՝ խմբ.): Դա այդքան էլ գեղեցիկ չէր: Ստանալով նման կրթություն՝ նրանք քիչ բան են անում երկրի համար»,- նկատել է նախարարը` հավելելով, որ «Սասնա ծռերի» իրադարձությունների ժամանակ նա հանդիպել է այդ երիտասարդների հետ եւ չի հասկացել, թե ինչ են նրանք ուզում:
