Հայոց ցեղասպանության 103–րդ տարելիցի հետ կապված ֆեյսբուքյան իր էջում գրառում է կատարել համշենցի մտավորական Հուրիյե Շահինը։
«Հայոց ցեղասպանություն, 1915–ի ապրիլի 24» վերնագիրը կրող գրառման մեջ Հուրիյե Շահինը կրկնել է Հրանտ Դինքի խոսքերը՝ ասելով. «4 հազար տարվա պատմություն ունեցող մի ժողովրդի իրենց հայրենիքում իր մշակույթի հետ 1915–ին ոչնչացրեցին։ Միջին Ասիայից գալով՝ այս հողերը գրավեցին, անունը դրեցին նվաճել։ Հետո էլ սկսեցին իրենց հողերը պաշտպանողներին դավաճաններ անվանել։ Սա որ կրոնի, ո՞ր խղճի մեջ է տեղավորվում։
Քրիստոնյա հայերն այս երկրի ամեն անկյունում, ամեն ոլորտում գործունեություն էին ծավալում։ Նրանց վերացնելով՝ այս երկիրը անապատի վերածվեց։ Ես հարգանքով խոնարհվում եմ այս հողերից կոտորածով եւ բռնությամբ տեղահանված քրիստոնյա հայերի, հույների, ասորիների առաջ»,–գրել է Հուրիյե Շահինը։