Հազարավոր ամերիկահայեր ողողել են Լոս Անջելեսի փողոցները հիշատակելու 1,5 միլիոն կոտորված հայերի հիշատակը։ Այս մասին գրում է Daily Mail պարբերականը՝ անդրադառնալով Ցեղասպանության 103-րդ տարելիցի կապակցությամբ Լոս Անջելեսում կազմակերպված «Արդարության երթ»-ին։ Պարբերականն ընդգծում է, որ երթին նախորդել էր Հայաստանի վարչապետ Սերժ Սարգսյանի հրաժարականը երկրում 10 օր շարունակվող հակակառավարական ցույցերից հետո։
Լոս Անջելեսում երթի մասնակիցները պահանջում են, որ Թուրքիան ճանաչի 1915 թվականին 1,5 միլիոն հայերի ցեղասպանությունը։ Ավելի քան 40.000 ցուցարները կրել են Հայաստանի դրոշները, ինչպես նաեւ Թուրքիային դատապարտող պաստառներ:
Ցուցարարներին է միացել նաեւ Լոս Անջելեսի քաղաքապետ Էրիկ Գարսետին, որը 20-րդ դարի սկզբի սոսկալի իրադարձություններն անվանել է մարդկային ողբերգություն։ «Լինելով մարդկային ընտանիքի մաս՝ մենք պետք է ընդունենք մեր ողբերգությունը եւ բոլորս պիտի կրկնենք՝ այլեւս երբեք»,-ասել է նա։
Քաղաքի դատախազ Մայք Ֆեյերն էլ, իր հերթին, նշել է․«Այսօր Լոս Անջելեսում մենք բոլորս հայ ենք»:
