Ազգային ժողովում այս պահին ընթանում է ՀՀԿ խմբակցության նիստը:
NEWS.am-ի թղթակիցը հաղորդում է, որ խմբակցության ղեկավար Վահրամ Բաղդասարյանը նշեց, որ իրենք միշտ պատրաստ են բանակցությունների, սակայն Նիկոլ Փաշինյանի առաջարկածը բանակցություն չէր, այլ միակողմանի պարտադրանք: «Մենք պայքարում ենք մեր պետության կանոնակարգված առաջընթացի համար»,-ասաց նա:
Հարցին, թե ո՞վ է լինելու ՀՀԿ-ի կողմից վարչապետի թեկնածուն, Բաղդասարյաննը պատասխանեց, որ կքննարկեն, կորոշեն:
Հիշեցնենք, որ ԱԺ պատգամավոր, «Իմ քայլը» նախաձեռնության առաջնորդ Նիկոլ Փաշինյանի գլխավորած շարժման 11 օր տեւած բողոքի ակցիաներից հետո, ապրիլի 23-ին Սերժ Սարգսյանը հրաժարական է տվել:
Փաշինյանը հայտարարել էր, որ ապրիլի 25-ին իշխանությունների հետ շարունակելու են բանակցությունները՝ իշխանության անցնցում փոխանցման շուրջ, սակայն ապրիլի 24-ի երեկոյան պարզ դարձավ, որ հանդիպումը չի կայանա: Կարեն Կարապետյանը հայտարարել է, որ Փաշինյանը միակողմանի նոր պահանջներ է առաջադրել: Փաշինյանն իր հերթին հայտարարել է, որ վերսկսում են բողոքի գործողությունները, քանի որ ՀՀԿ-ն Սերժ Սարգսյանի հրաժարականի գնով ուզում է պահպանել իշխանությունը: