Sotheby's աճուրդի տունը վաճառքի է հանում իտալացի նկարիչ Ամեդեո Մոդիլյանիի «Մերկ պառկածը» նկարը, որը ստեղծվել է 1917-ին: Նկարն արդեն ռեկորդ է սահմանել. աճուրդի մեկնարկի գինը 150 մլն դոլար է, հաղորևդում է CNN-ը:
Մոդիլյանիի աշխատանքը Impressionist & Modern Art Evening Sale աճուրդի գլխավոր վաճառվող նկարն է: Աճուրդը տեղի կունենա մայիսի 14-ին:
Աճուրդի կազմակերպիչները նշում են, որ «Մերկ պառկածը» նկարը գնվել է ներկա սեփականատիրոջ կողմից 2013-ի աճուրդում 26.9 մլն դոլարով:
2015-ին եւս մեկ նկար մերկ պառկած կնոջ պատկերմամբ, աճուրդում վաճառվել է 170.4 մլն դոլարով, որն այդ ժամանակ արվեստի ստեղծագործության համար վճարած մեծությամբ երկրոդ գումարն էր:
«Այս նկարը վերաիմաստավորում է մերկությունը ժամանակակից դարաշրջանում: Մոդիլյանին պատկերում էր ինքնավստահ եւ իրենց սեքսուալությամբ ինքնաբավ մոդելների: «Մերկ պառկածը» շատ զգայական կտավ է, որտեղ բնորդուհին ուղիղ նայում է դիտողի աչքերին՝ հմայելով նրան»,- մեկնաբանել է Sotheby's-ի իմպրեսիոնիզմի եւ ժամանակակից արվեստի բաժնի ղեկավար Սայմոն Շոուն:
