Ապրիլի 25-ին, ժամը 18:28-ին «911» ծառայությանն ահազանգ է ստացվել, որ Լոռու մարզի Վանաձոր քաղաքի Աբովյան փողոցի սկզբնամասում՝ «Սուրբ Գրիգոր Լուսավորիչ» եկեղեցու մատակայքում, տեղի է ունեցել ՃՏՊ. կան տուժածներ: Անհրաժեշտ է փրկարարների օգնությունը:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից երկու մարտական հաշվարկ:

Պարզվել է, որ բախվել են «Opel Astra» մակնիշի (վարորդը՝ Հ. Ք., 1999 թ.) եւ «Volkswagen Vento» մակնիշի (վարորդը՝ Յ. Ք., 1946 թ.) ավտոմեքենաները: Բախման հետեւանքով վարորդները հոսպիտալացվել են Վանաձորի ԲԿ, որտեղ բժիշկները Յ. Ք.-ի առողջական վիճակը գնահատել են ծանր, իսկ Հ. Ք.-ինը՝ բավարար:

Փրկարարները հոսանքազրկել են ավտոմեքենաները եւ փակել գազի բալոնների փականները: