ՌԴ արտգործնախարար Սերգեյ Լավրովը ապրիլի 28-ին Մոսկվայում երկկողմ հանդիպումներ կանցկացնի Իրանի եւ Թուրքիայի արտաքին գործերի նախարարներ Ջավադ Զարիֆի եւ Մեւլութ Չավուշօղլուի հետ, ինչպես նաեւ՝ եռակողմ ձեւաչափով բանակցություններ: Այս մասին հաղորդում է ՌԴ ԱԳՆ պաշտոնական ներկայացուցիչ Մարիա Զախարովան, փոխանցում է«ՏԱՍՍ»-ը:
«Ապրիլի 28-ին Մոսկվայում տեղի կունենա սիրիական կարգավորմանն աջակցող երաշխավոր երկների՝ Ռուսաստանի, Իրանի եւ Թուրքիայի արտգործնախարարների արտահերթ հանդիպումը: Այս միջոցառման շրջանակներում երկկողմ հանդիպումներ են նախատեսված Սերգեյ Լավրովի եւ իրանցի ու թուրք գործընկերների միջեւ»,- հայտնել է Զախարովան: Մայիսի 3-ին Սոչիում Լավրովն իր հորդանանցի գործընկերոջ հետ կքննարկի Սիրիայում տիրող իրավիճակը:
