Երկուշաբթի առավոտյան Քաբուլում երկու պայթյուն է որոտացել, որի հետեւանքով զոհերի թիվը հասել է 21-ի, 27-ն էլ վիրավորվել են, փոխանցում է «ՌԻԱ Նովոստին»՝ վկայակոչելով երկրի առողջապահության նախարարությանը։ Ավելի վաղ նշվում էր, որ պայթյունների հետեւանքով 7 մարդ էր զոհվել, 20-ն էլ վիրավորվել էին։
Լրատվամիջոցների տվյալներով՝ պայթյուններից մեկը իրականացրել է մահապարտ ահաբեկիչը։ «Պաժվակ» գործակալության հաղորդմամբ՝ երկրորդ պայթյունի հետեւանքով զոհված եւ վիրավորված մարդկանց թվում են TOLOnews, 1TV եւ Al Jazeera հեռուստաալիքների լրագրողներ, իսկ «Ֆրանս պրես» գործակալությունը հայտնել է լուսանկարիչ Շա Մարայիի (Shah Marai) զոհվելու մասին։