Եվրամիության դիրքորոշումը Իրանի միջուկային գործարքի շուրջ չի փոխվել, ԵՄ–ն հանդես է գալիս համաձայնագրի ամբողջական կատարման օգտին։ Այս մասին Բրյուսելում մամուլի ասուլիսի ժամանակ հայտարարել է ԵՄ-ի արտաքին քաղաքականության ծառայության ղեկավարի պաշտոնական ներկայացուցիչ Մայա Կոսյանչիչը՝ մեկնաբանելով ԱՄՆ հնարավոր դուրս գալը Իրանի միջուկային գործարքի Գործողությունների համատեղ համապարպակ պլանից (ԳՀՀՊ), փոխանցում է ՏԱՍՍ–ը։
«Մենք հստակ ասել ենք, որ ԵՄ–ն իր հերթին կշարունակի իր հանձնառությունը համաձայնագրի ամբողջական իրականացմանը, եւ դա չի փոխվում։ ԵՄ դիրքորոշման մեջ փոփոխություն չկա։ Համաձայնագիրը գործում է եւ արդյունք տալիս։ ԱԷՄԳ–ն 10 անգամ արդեն հաստատել է, որ համաձայնագիրը իրականացվում է»,–ասել է նա։
2015 թ. հուլիսին Իրանը, ՄԱԿ ԱԽ 5 մշտական անդամները եւ Գերմանիան Թեհրանի միջուկային խնդրի կարգավորման համաձայնագիր են կնքել։ Համաձայն ԳՀՀՊ–ի՝ Թեհրանը պարտավորություն է ստանձնել սահմանափակել ուրանի հարստացման աշխատանքները տնտեսական եւ ֆինանսական պատժամիջոցներըի չեղարկման փոխարեն։ 2016 թ. հունվարին հայտարարվել է գործարքի իրականացման մասին, Վաշինգթոնը չեղարկել է սահմնափակումները։
Հունվարի 12-ին Թրամփը հայտարարել է, որ ԱՄՆ–ն դուրս կգա համաձայնագրից, եթե այն չհաջողվի ուղղել եւ մինչեւ մայիսի 12-ը այդ հարցով որոշում կկայացնի։