ԻՊ-ի դեմ կոալիցիայում ընդգրկված ԱՄՆ նախագահի հատուկ ներկայացուցիչ Բրեթ Մաքգերկը Twitter-ում մեկնաբանել է «Իսլամական պետության» հինգ առաջնորդների ձերբակալությունը, հաղորդում է Gazeta-ն:
«Իրաքի ուժերը Սիրիայի ժողովրդավարական ուժերի հետ Իրաքի եւ Սիրիայի սահմանային շրջանում ձերբակալել են ԻՊ-ի հինգ բարձրաստիճան ղեկավարներին: Գերազանց համագործակցությունը փակում է ԻՊ-ի ահաբեկիչների համար փախուստի բոլոր ուղիները», - գրել է Մաքգերկը:
Ավելի վաղ ԱՄՆ նախագահ Դոնալդ Թրամփը հայտարարել էր «Իսլամական պետության» հինգ «ամենփնտրվող առաջնորդներին» բռնելու մասին: Սակայն նա չէր բացահայտել որեւէ մանրամասն:
