Բելգիայում «Սպայի 6 ժամ» մարաթոնում ռուսաստանցի արշավորդ Մաթեւոս Իսահակյանի բոլիդը օդում շրջվել է, հաղորդում է «ՌԻԱ Նովոստին»:
Կադրերում երեւում է, ինչպես է Իսահակյանի մեքենան փոխում հետագիծը եւ 300 կմ/ժամ արագությամբ սալտո անում:
Դեպքից հետո արշավորդը F1news-ին ասել է, որ բժշկական զննություն է անցել եւ իրեն լավ է զգում:
«Բայց այստեղ էլ բժիշկներն ինձ մոտ ոչինչ չհայտնաբերեցին: Ես ընդամենը մի քանի կապտուկ եմ ստացել, ինչն այս վթարից հետո մեծ հաջողություն է», — խոստովանել է նա:
Իսահակյանը պատմել է, որ նայել է տեսագրությունը, սակայն «ոչ մի նոր բան չի իմացել»: Դեպքի պատճառները պարզվում են:
