Ֆրանսիայում ՌԴ դեսպանատունը երկրի իշխանություններին հարցում է ուղարկել Փարիզում անցորդների վրա հարձակում գործած անձի քաղաքացիության մասին։ Լրատվամիջոցները պնդում են, որ նա չեչեն է։ Այս մասին հայտնել է ՌԴ դեսպանատան մամուլի կցորդ Աննա Շլիչկովան՝ հավելելով, որ ներկայումս սպասում են պատասխանի։
Մայիսի 12-ին անհայտ անձը դանակով հարձակում է գործել անցորդների վրա Փարիզի երկորդ շրջանում Գրանդ օպերայի մերձակայքում։ Ականատեսները պնդում են, որ նա «Ալլահ Ակբար» է բղավել։ Միջադեպի հետեւանքով մեկ մարդ է զոհվել, 4-ն էլ վիրավորվել են։ Հարձակման պատասխանատվությունը ստանձնել է «Իսլամական պետության» ահաբեկչական խմբավորումը։