Ինչպես հայտնել են մամուլի ծառայությունում, զենիթահրթիռային թնդանոթային համալիրը (ԶՀԹՀ) կրակ էր բացել իսրայելական օդուժի ինքնաթիռների ուղղությամբ` դրանք խոցելու նպատակով», փոխանցում է «ՏԱՍՍ»-ը: Իսրայելի պաշտպանության բանակը հայտարարել է, որ «կգործի ցանկացած մեկի դեմ, ով փորձում է վնասել Իսրայելի պետությանը եւ նրա բնակչությանը»:
Ընդ որում, զինվորականները չեն պատասխանել հարցերին այն մասին, թե ինչ հրթիռով է խոցվել ԶՀԹՀ-ն, ինչպես նաեւ այն, թե ինչպես է նրանց հաջողվել պարզել, որ որ դա հենց «Պանցիր-C1» է եղել:
Հիշեցնենք, որ մայիսի 9-ի լույս 10-ի գիշերը Իսրայելի ՌՕՈՒ-ն հարվածել էր Սիրիայում թիրախներին՝ ընդհանուր առմամբ 70 տարբեր հրթիռներ արձակելով: Դրանք արձակել են 28 իսրայելական օդանավեր: Ի պատասխան Իսրայելի ՌՕՈՒ-ի գործողությունների՝ սիրիացի զինվորականները կրակ են բացել 1967 թվականին Թել Ավիվի կողմից բռնազավթված Գոլանի բարձունքի շրջանում իսրայելական դիրքերի ուղղությամբ:
Իսրայելի կողմից Սիրիայում ռուսական «Պանցիր»-ի ոչնչացման տեսանյութն է հրապարակվել