Թբիլիսիում հակաակցիայի մասնակիցները ճեղքել են ոստիկանական ջոկտաշղթան եւ փորձում են տեղափոխվել «Սպիտակ աղմուկ» շարժման ակցիայի կողմը: Միեւնույն ժամանակ, Վրաստանի ներքին գործերի նախարար Գեորգի Գախարիան ժամանել է Ռուսթավելիի պողոտա: Գեորգի Գախարիան կհանդիպի «Սպիտակ աղմուկ» շարժման կազմակերպիչների հետ:
Առաջին դպրոցի մոտ ձերբակալվել է հակաակցիայի մի քանի մասնակից, որոնք փորձում էին մոտենալ խորհրդարանի շենքին՝ «Սպիտակ աղմուկ» շարժման կազմակերպած ակցիային, այս մասին հաղորդում է Առաջին ալիքի լրագրողը: Նրա խոսքով` իրավապահները ձերբակալվածներին տեղափոխել են ավտոբուսների մեջ, որոնցով եւ կլքեն տարածքը: