ՀՀ տնտեսական զարգացման եւ ներդրումների նախարարությունում Սուրեն Կարայանն այսօր՝ մայիսի 14-ին, հրաժեշտ է տվել նախարարության ողջ անձնակազմին:
Նախարարությունից NEWS.am-ին հայտնում են, որ իր խոսքում Սուրեն Կարայանը շնորհակալություն է հայտնել գերատեսչության աշխատակիցներին` նշելով, որ նախարարության առջեւ դրված բոլոր թիրախները գերակատարվել են եւ գրանցվել են գոհացուցիչ արդյունքներ:
«Շնորհակալություն եմ ուզում հայտնել վերջին 18 ամիսների ծավալուն եւ արդյունավետ աշխատանքի համար: Այստեղ աշխատում են բարձր պրոֆեսիոնալ ունակություններով մասնագետներ: Ցանկանում եմ, որ առաջիկայում եւս շարունակեք նույն եռանդով աշխատել մեր երկրի տնտեսության զարգացման համար»,- նշել է Սուրեն Կարայանը:
Նշենք, որ ՀՀ տնտեսական զարգացման եւ ներդրումների նախարար է նշանակվել ՀՅԴ-ն ներկայացնող Արծվիկ Մինասյանը:
