Մեր հանրապետությունը երկրորդ վերածնունդն է ապրում։ Այդ մասին Արտակարգ իրավիճակների նախարարությունում հայտարարել է նախարարի պաշտոնում նշանակված Հրաչյա Ռոստոմյանը։
Նրա խոսքով, այսօր նոր Հայաստանում ունենք մի իրավիճակ, որտեղ հանրությունը մեծ սպասելիքներով եւ, ամենակարեւորը, մեծ աջակցություն է ցուցաբերում կառավարությանը։
«Վստահ եմ, որ շատ աշխատելու, ճիշտ աշխատելու գնով պարտադիր է, որ կարողանանք այդ վստահությունը պահենք եւ պահպանենք»,- ասել է Ռոստոմյանը եւ հավելել. «Մեր հանրապետությունը երկրորդ վերածնունդն է ապրում։ Ամեն ինչ մեր ձեռքերում է, իրավունք չունենք հուսահատ անելու մեր հասարակությանը»։
Նշենք, որ նախորդ կառավարությունում Ռոստոմյանը զբաղեցնում էր սպորտի եւ երիտասարդության նախարարի պաշտոնը։
