ՀՀ Գլխավոր դատախազությունը 2017-ին կալանավորման պրակտիկայի հետ կապված ուսումնասիրություն է իրականացրել, որի արդյունքում սահմանվել ենէ չափանիշներ որոնք պետք է ապահովեն կալանավորման անհատական հիմքերը, նպատակները, անձի իրավունքների պաշտպանությունը: Այս մասին, այսօր՝ մայիսի 15-ին, ԱԺ-ում գլխավոր դատախազության 2017-ի հաշվետվությունը ներկայացնելիս նշեց ՀՀ գլխավոր դատախազ Արթուր Դավթյանը:
Նրա խոսքով, սահմանված ուղենիշները գործողության մեջ է դրվել տարվա կեսից սկսած, ուղարկվել է բոլոր նախաքննական մարմիններ, որի արդյունքում ունեցել են որոշակի ցուցանիշներ. «2017 թ, շուրջ 15-17 տոկոսով նվազել են դատարան ներկայացված կալանքի միջնորդությունները։ Ուսումնասիրության կարեւոր եւ մեծ հատված է համարվել կալանավորման միջնորդությունների հիմնավորման հարցը, եւ մինչեւ միջնորդություն ներկայացնելը կալանքի հիմքերի պարզման ուղղությամբ անհրաժեշտ գործողությունների իրականացման հարցը, ունենք կալանավորման միջնորդությունների բավարարման թվի աճ»:
Արձանագրվել է նաեւ գրավի կիրառման ցուցանիշների աճ, որը վկայում է այն մասին, որ էապես մեծացել է դատախազների մասնակցությունը այդ միջնորդությունների քննարկմանը. «Ունեցել ենք բազմաթիվ դեպքեր երբ դատախազը մասնակցելով միջնորդության քննարկմանը, համաձայնել է գրավի կիրառմանը»:
