Ադրբեջանում հայտնաբերվել են երեք լեռնագնացների մարմինները, որոնք անհետ կորել էին նախորդ տարվա դեկտեմբերին։
Ադրբեջանական լրատվամիջոցները հայտնում են, որ նախնական տվյալներով հայտնաբերվել են երկու տղամարդու եւ մեկ կնոջ մարմիններ։
Հիշեցնենք, որ դեկտեմբերի 23-ին Գուբինսկի շրջանի լեռներում անհետացել էին «Գիլավար» օդային եւ էքտրեմալ սպորտի ակումբի երեք անդամները` Ֆարիդա Ջաբրաիլզադեն, Բաբուր Հուսեյնովը եւ Նամին Բունիյատզադեն: Խումբը դուրս էր եկել դեկտեմբերի 23-ին եւ պետք է վերադառնար դեկտեմբերի 26-ին: Խմբի հետ կապը ընդհատվել էր դեկտեմբերի 24-ին:
