Թուրքիայի դատախազությունը երկրի ռազմաօդային ուժերի 101 նախկին զինծառայողներին ձերբակալելու կարգադրագիր է տվել, որոնց կասկածում են ընդդիմադիր իսլամական քարոզիչ Ֆեթուլլա Գյուլենի կազմակերպության (FETO) հետ կապեր ունենալու մեջ: Այս մասին հաղորդում է Anadolu գործակալությունը՝ հղում անելով իրավապահ մարմինների աղբյուրին:
Նրանց թվում մեկ գեներալ կա, հինգ գնդապետ, երկու լեյտենանտ գնդապետ, երկու փոխգնդապետ, 25 կապիտան եւ 54 լեյտենանտ, որոնք նախկինում FETO-ի հետ կապ ունենալու կասկածանքով հեռացվել էին աշխատանքից: Նրանց ձերբակալման գործողությունը տեղի է ունենում 22 նահանգներում: Ձերբակալվել է 37 մարդ, գործողությունը շարունակվում է, հաղորդում է «ՌԻԱ Նովոստին»:
2016 թվականի հուլիսի 16-ի գիշերը մի խումբ ապստամբներ փորձել էին Թուրքիայում ռազմական հեղաշրջում կատարել: Հիմնական դիմակայությունը տեղի էր ունեցել Անկարայում եւ Ստամբուլում: Սպանվել է ավելի քան 240 թուրք քաղաքացի, ավելի քան 2 հազար մարդ վիրավորվել է, ապստամբությունը ճնշվել է: Թուրքիայում ապստամբությունից հետո ավելի քան 50 հազար մարդ ձերբակալվեց, ավելի քան 140 հազար քաղաքացիական ծառայողներ հեռացվեցին կամ ազատեցին աշխատանքից:
Թուրքական իշխանությունները հեղաշրջման փորձի մեջ մեղադրեցին FETO-ին: Գյուլենը, ով գտնվում է Միացյալ Նահանգներում, դատապարտել է հեղաշրջումը եւ հերքել է մեղադրանքները: