Օդաչու Ջեյն Կարպենտերը ԱՄՆ-ի Կոլորադո նահանգի Վելինգթոն քաղաքի մոտակայքում յուրահատուկ տեսարան է նկարահանել: Այս շրջանում 28 աստիճան տաքության պայմաններում կարկուտ է տեղացել, որը «սառցե կղզի» է ձեւավորել: Կարպենտերն ասում է, որ աշխատանքային 25 տարիների ընթացքում նման բան չի տեել, հաղորդում է Weather.Com-ը:
Կադրերում երեւում է, որ Վելինգթոնի ճանապարհները, դաշտերը եւ տները սառույցի շերտով են ծածկվել: Չնայած շոգ եղանակին՝ սառույցը տեղումների հաջորդ օրը եւս պահպանվել է: